Latest Updates
August 8, 2022
මේ Crysbro Nextchamp ශිෂ්යත්ව වැඩසටහන තම පදක්කම් අස්වනු නෙලන කාලයයි, එමෙන්ම අද දිනය Crysbro Nextchamp ක්රීඩා වැඩසටහනට මූලිකත්වය ගත් Crysbro ආයතනය හා ජාතික ඔලිම්පික් කමිටුවටත් අමතක නොවන දිනයක්, ඒ වසර ගණනාවක් පුරා ක්රියාත්මක කරමින් යන Crysbro Nextchamp ශිෂ්යත්ව වැඩසටහනේ ශිෂ්යත්වලාබිනියක් වන අපේ නෙත්මි අහිංසා, ශ්රී ලංකා මල්ලවපොර ඉතිහාසයේ එදා මෙදා තුර පොදු රාජ්ය මණ්ඩල ක්රීඩා උළෙලෙකදී ලබාගත් පළමු පදක්කම අප මව් බිම වෙනුවෙන් හිමිකර දීමට මීට සුළු මොහොතකට පෙර වීම නිසා.
පොදු රාජ්ය මණ්ඩලීය ක්රීඩා උළෙලේ මල්ලවපොර කාන්තා 57kg බර පන්තිය යටතේ තරග වැදුණු නෙත්මි අහින්සා තම ඉසව්වේ ලෝකඩ පදක්කම දිනාගැනීමට මීට මොහොතකට පෙර සමත්වුණා. ඒ ලෝකඩ පදක්කම වෙනුවෙන් පැවති තරගයේදී ඕස්ට්රේලියානු ක්රීඩිකා Irene SYMEONIDIS පරාජයට පත්කරමින්. නෙත්මි හමුවේ ඕස්ට්රේලියානු ක්රීඩිකාව ලකුණු 10-0ලෙස පරාජයට පත්වුණා.
18හැවිරිදි නෙත්මි අහින්සා දිනාගත් ලෝකඩ පදක්කම මෙවර පොදු රාජ්ය මණ්ඩලීය ක්රීඩා උළෙලේ ශ්රී ලංකාව දිනාගත් සිව්වන පදක්කමයි. පහුගිය කාලය පුරාවටම නෙත්මි හංගේරියාවේ තම පුහුණුකරු වන සුරංග මහතා හා අනෙකුත් ක්රීඩිකාවන් සමඟින් පුහුණුවීම් කටයුතු වල නිරත වුණා. අප මේ අත්විඳින්නේ ඔවුන් කරන ලද ඒ කැපවීමේ ප්රතිපලයි. මේ ජයග්රණය පිටුපස සිටින ඇයගේ පුහුණුකරු ඇතුළු සියලුදෙනාට සියලුම ශ්රී ලාංකිකයන් වෙනුවෙන් අපගේ ස්තුතිය මෙලෙස පුදකරමු.
June 8, 2022

ලොව විවිධාකාර ක්‍රීඩා උළෙලවල් අතුරින් තවත් පැරණිම සහ අති උත්කර්ශවත් මුහුණුවරක් ගන්නා තරගාවලියක් වන්නේ මෙම ආසියානු ක්‍රීඩා උළෙලයි. ආසියානු ඔලිම්පික් කමිටුව විසින් සංවිධානය කරන මෙම උළෙල ඔලිම්පික් උළෙල ආකාරයෙන්ම වසර 4 කට වරක් පැවැත්වේ. දැන් අප මෙහි ඉතිහාසය පිළිඹදව මදක් සළකා බලමු.

ආසියානු ක්‍රීඩා උළෙලේ ආරම්භය ගැන සැළකීමේදී 1950 දක්වා අතීතයකට කාලය දිව යයි. එනම් නව දිල්ලියේ පැවති පළමු උළෙලයි.  දෙවන ලෝක යුධ සමයෙන් පසු ඔලිම්පික් වරම් අහිමි වී තිබූ ජපානයටද මෙම අසියානු ක්‍රීඩා උළෙලට තරග වැදීමට හිමි වීම සැම දෙනාගේම අවදානය දිනාගැනීමට යොමු වූ කරුණකි. මන්දයත් ඔවුන් මෙයට සහභාගී වූයේ 1949 යේ පැවති ආසියානු සමාරම්භක රැස්වීමටද සහභාගීත්වයෙන් තොරව වීමෙනි. තවද අවාසනාවන්ත ලෙස දකුණු කොරියාවට මේ සඳහා සහභාගී නොවීමට සිදුවූයේ එවකට එරට 1953 දක්වා ඇදී ගිය කොරියානු උද්ධය නිසාවෙනි .කෙසේ වෙතත් අවසානයේ ජාතික ඔලිම්පික් කමිටු 11ක ක්‍රීඩක ක්‍රීඩිකාවන් 489 කගේ සහභාගීත්වයෙන් ක්‍රීඩා 12 ක් අවසානයේ සමස්ත පදක්කම් 169 කින් වර්ණවත් වෙමින් අති උත්කර්ශවත් ලෙස මෙම තරගාවලිය නිමා විය.

පසුව මෙහි දෙවන අදියර ලෙස පිලිපීනයේ මැනිලා නුවරද තෙවන අදියර ලෙස ජපානයේ ටෝකියෝ නුවරද ආකාරයට මේ දක්වා විවිධ ආසියාතික රටවල් නියෝජනය කරමින් මෙම උළෙල පැවැත්වීය. ආසියානු තරගාවලියේ අවසානයට පැවැත්වූ අදියර වන්නේ 2018 දී ඉන්දුනීසියාව සත්කාරකත්වය දැක්වූ උළෙලයි. මෙහිදී සමස්ත පදක්කම් 92ක් සමගින් චීනය මෙම තරගාවලියේ පෙරමුන ගන්නා ලදී.

දැන් අප ආසියානු ක්‍රීඩා උළෙලේ ශ්‍රී ලංකා සහභාගීත්වය පිළිඹදව මදක් සොයා බලමු. මෙහිදී ශ්‍රී ලංකාව වෙනුවෙන් පළමු පදක්කම ලෙස  1951 දී මළල ක්‍රීඩා අංශයේ රිටි පැනීම ඉසව්වෙන් රිදී පදක්කමක් දිනා ගැනීමට M.A. Akbar සමත් වෙයි. රන් පදක්කමක් ලෙස පළමු පදක්කම දිනා ගනු ලැබූවේ  Nagalingam Ethirveerasingam ක්‍රීඩකයා විසිනි.  ඒ 1958 ටෝකියෝ උළෙලේ මළල ක්‍රීඩා අංශයෙනි. මේ ආකාරයෙන් විවිධ වසර වලදී විවිධාකාරයේ ඉසව් වලට සහභාගී වෙමින් මේ දක්වා රන් පදක්කම් 11ක් රිදී පදක්කම් 11ක් ලෝකඩ පදක්කම් 24 ක් සමගින්  සමස්ත පදක්කම් 46 කින් ලක් මාතාව වර්ණවත් කිරීමට අපගේ විශිශ්ටයින් සමත් වී තිබීම සතුටට කරුණකි.

පුරා වසර ගණනාවක් නොකඩවා පැවති මෙම උළෙල 2022 වසරේද අති උත්කර්ශවත් අන්දමින් පැවැත්වීමට තීරණය කර තිබේ. මෙම තරගාවලිය 2022 සැප්තැම්බර් 10න් ආරම්භ කර 2022 සප්තැම්බර් 25 දක්වා චීනයේ Hangzhou නුවරදී පැවැත්වීමට සියලු කටයුතු සූදානම් කර හමාරය.

June 6, 2022

පුරා වසර ගණනාවක දැවැන්ත අතීතයකට හිමිකම් කියන පොදු රාජ්‍ය මණ්ඩලීය ක්‍රීඩා උළෙල මෙවරත් 2022 ජූලි 28 දා සිට අගෝස්තු 8 දක්වා දින 29ක් පුරාවට අති උත්කර්ශවත් අයුරින් පැවැත්වීමට සියළු කටයුතු සූදානම් කර හමාරය. අප දැන් මෙහි අතීතය පිලිබදව මදක් සොයා බලමු.

1981 දී බ්‍රිතාන්‍ය අධිරාජ්‍යයේ එකමුතුව ප්‍රදර්ශණය කිරීම සඳහා ක්‍රීඩා තරග ආකාරයේ උළෙලක් පවැත්විය යුතුයැයි ඕස්ට්‍රේලියාවේ උපන් Astley Cooper නැමැත්තා විසින් ප්‍රථම වරට අදසක් ඉදිරිපත් කර ඇත. ඉන් අනතුරුව 1911දී “The festival of Empire” නමින් රටවල් කිහිපයක සහභාගීත්වය ඇතිව ජෝර්ජ් රජුගේ රජාභිශේකය සමරමින් කුඩා උළෙලක් පවත්වා තිබේ.

පසුව 1930 දී “British Empire Games ” නමින් කැනඩාවේ හැමිල්ටන් හිදී ආරම්භ වී මේ දක්වා දිව එන ගමනේදී පොදු රාජ්‍ය මණ්ඩලීය යන නාමය ලැබීමට පෙර විවිධ වෙනත් නම් වලින් මෙම උළෙල නම් කර ඇති අතර ඒ සෑම විටම මෙහි කළමණා කාරීත්වය දරන්නේ එංගලන්තයේ පිහිටි පොදු රාජ්‍ය මණ්ඩලීය සම්මේලනය විසිනි. 1930 දී පැවති මෙම උත්කර්ශවත් උළෙල සඳහා රටවල් 11 ක සහභාගීත්වයෙන් මළල ක්‍රීඩා wrestling, බොක්සිං, ඔරු පැදීම පිහිනුම්, මල්ලවපොර යන ක්‍රීඩා සමගින් 400 ක පමණ ක්‍රීඩක ක්‍රීඩිකාවන්ගේ සහභාගීත්වයෙන් මෙම උළෙල පවත්වා ඇත.

මේ අතර මෙම තරගාවලියේ ශ්‍රී ලංකා සහභාගීත්වය පිළිබදව සළකා බැලීමට යාමේදී අපගේ මතකය 1938 දක්වා දිව යනවා. එනම් කි. ග්‍රෑ. 57 බර පන්තිය යටතේ රන් පදක්කමක් දිනා ගැනීමට බානි හෙන්‍රික්ස් 1938 දී සිඩ්නි පොදු රද මඩුලු උළෙලේදී සමත් වනවා. ඉන් නොනැවතී 1950 දී ඩන්කන් වයිට් විසින් නවසීලන්තයේ ඔක්ලන්ඩ් නුවරදී යාර 440 කඩුලු පැනීමේ ඉසව්වෙන් රන් පදක්කම දිනා ගන්නා අතර 1998 මැලේසියාවේ ක්වාලාලම්පූර් නුවරදී ශ්‍රියානි කුලවංශ මීටර් 100 කඩුලු පැනීම හා එම වසරේදීම සුගත් තිලකරත්න මීටර් 400 දිවීමේ තරගයෙන් ලෝකඩ පදක්කමද දිනාගැනීමට සමත් වෙයි.

මේ දක්වා පොදු රාජ්‍ය මණ්ඩලීය ක්‍රීඩා උළේලයන්හි ශ්‍රී ලංකාව අභිමානවත් පදක්කම් 20 කට හිමිකම් කියයි.

1998 වසරෙන් පසුව ශ්‍රී ලංකාව විසින් මේ වනතෙක් මළල ක්‍රීඩා අංශයෙන් පදක්කමක් දිනාගෙන නැති නමුත් මෙවර(2022) පැවැත්වෙන පොදු රද මඩුලු උළේලේදී මළල ක්‍රීඩා අංශයෙන් පමණක් නොව සියළු අංශයන්ගෙන් තරග වැදී සිරි ලක් මාතාව පදක්කම් වලින් පුරවාලීමට හැකි වේවායි යන්න අප සැමගේම ඒකායන පැතුමයි.  එපමණක් නොව වසර 4 කට වතාවක් පැවැත්වෙන පුරා වසර 92 කට වැඩි කාලයක් පැවති මෙම උළෙල මෙවරත් ප්‍රේක්ශකයන් ලෙස ජයග්‍රාහී මනසකින් නැරබීමට ඔබ සැමට ආරාධනා කර සිටිමු.