2023 ජාතික ශූරතා මල්ලවපොර තරඟාවලිය පසුගිය 18 හා 19 දෙදින පැවැත්වුනා, මෙහිදී කැපී පෙනෙන දක්ෂතා දැක්වීමට සුරංග කුමාර මහතාගේ පුහුණුකාරිත්වය යටතේ සිටින නිපුනි වාසනා හා චමෝද්‍යා කේශනී ක්‍රීඩිකාවන් දෙපල සමත් වූ අතර නෙත්මි අහිංසා මේ වන විට ඊජිප්තු තරඟ සංචාරයකට සහභාගිවී සිටින හෙයින් මෙවර ජාතික ශූරතාවලියට සහභාගී වූයේ නැහැ.
මෙම ශුරතාවලියේ දක්ෂතම ක්‍රීඩිකාව ලෙස සම්මාන දිනාගැනීමට නිපුනි වාසනා සමත්වුණා ඒ වගේම 50kg බර පන්තියේ රන් පදක්කම දිනගත්තේද නිපුනියි. තවමත් 17 හැවිරිදි පාසල් ශිෂ්‍යාවක් වන නිපුනි මේ තරගාවලියේ සිටි ලාබාලතම ක්‍රීඩිකාවද වීම තවත් විශේෂත්වයක්. මෙහිදී අත්දැකීම් බහුල යුධ, ගුවන්, නාවික හමුදා සංචිත වල ක්‍රීඩිකාවන් සහ අනෙකුත් ක්‍රීඩා සමාජ වල ක්‍රීඩිකාවන් ඉදිරියේ ඇය ක්‍රීඩා කල ආකාරය මල්ලවපොර ප්‍රවීණයන්ගේ අවදානයට හා පැසසුමට ලක්වුණා.
එමෙන්ම චමෝද්‍යා කේශනී ක්‍රීඩිකාවද කාන්තා 53kg ඉසව්වේ රන් පදක්කම දිනාගත්තා. එමෙන්ම සමස්ත ශුරතාවලියේ අනුශුරතාවය දිනාගැනීමට නෙත්මි, චමෝද්‍යා සහ නිපුනි සාමාජිකත්වය දරන පුහුණුකරු සුරංග කුමාර මහතාගේ මෙහෙයවීමෙන් ක්‍රියාත්මකවන චැලේන්ජර්ස් ක්‍රීඩා සමාජයට හැකියාව ලැබුණා.
අවම පහසුකම් යටතේ තමා සතුව පවතින සීමිත සම්පත් ප්‍රයෝජනයට ගනිමින් ජාත්‍යන්තර මට්ටමේ ක්‍රීඩිකාවන් තිදෙනෙක්ම බිහිකිරීම පහසු කටයුත්තක් නෙමෙයි නමුත් සුරංග කුමාර මහතාගේ අප්‍රතිහත කැපකිරීම හා ඔහුගේ ක්‍රීඩිකාවන්ගේ තිබෙන උනන්දුව මත අද ඔහු මේ ජයග්‍රහණයට හිමිකම් කියනවා. ජයග්‍රහණය ලැබූ ක්‍රීඩිකාවන්ට වගේම පුහුණුකාර සුරංග කුමාර මහතාටත් අපේ උණුසුම් සුබ පැතුම් !
2022 සමස්ත ලංකා ටයිකොන්ඩෝ ශුරතාවලියේ කිලෝ ග්රෑම් 54 බරපන්තියේ රන් පදක්කම දිනාගනිමින් එම ශුරතාවලියේ දක්ෂතම ක්‍රීඩකයාට හිමි සම්මානය දිනාගත් Crysbro Next Champ තරින්ද මන්දාරට අපේ උණුසුම් සුබ පැතුම්!
2022 සමස්ත ලංකා ටයිකොන්ඩෝ ශුරතාවලියේ අවසන් තරඟයේ දී Crysbro Next Champ තරින්ද මන්දාර (රතු ) දැක්වූ සටන්කාමී ක්‍රීඩා විලාශය.
නෙත්මි අහිංසා පෝරුතොටගේ. මීට මාස ගණනකට පෙර අප ඇතුළු කිහිපදෙනෙක් පමණක් දැන සිටි මේ නම අපි කාලයක් තිස්සේ බලාපොරොත්තු වෙච්ච විදියටම ලංකාවටම මතක හිටින විදිහේ නමක් බවට පත් වුණේ පසුගිය දිනක නිමාවට පත්වුණු පොදු රාජ්‍ය මණ්ඩල ක්‍රීඩා උළෙලේදී ශ්‍රී ලංකාව මෙතෙක් ලබාගත් පළමු කාන්තා මල්ලවපොර පදක්කම දිනාගනිමින් ශ්‍රී ලාංකික මල්ලවපොර ඉතිහාසයේ නව වාර්තාවක් පිහිටවීමට සමත්වීම සමඟයි.මෙම තරගයේදී ඇය සමඟ තරග වැදුණු ඔස්ට්‍රේලියාවේ අයිරින් සයිමන්ඩ්ස් ක්‍රීඩිකාව සම්බන්ධයෙන් බොහෝ විචාරකයන් මත පල කර සිටියද අහිංසා එම සියලු මත බිඳ දමමින් ලෝකඩ පදක්කම මව්බිම වෙනුවෙන් දිනා ගත්තාය. ඒ පොදු රාජ්‍ය මණ්ඩලීය ක්‍රීඩා උළෙලේදී පදක්කමක් දිනාගත් ලාබාලතම ලාංකික ක්‍රීඩිකාව ලෙස තම නම ඉතිහාසයට එක් කරමිනි.
කුරුණෑගල දිස්ත්‍රික්කයේ වෙල්පල්ල ගම්මානයේ ජීවත් වන ඇය පවුලේ දෙවෙනියාය. ඇයට සහෝදර සහෝදරියන් තුන් දෙනෙකි. කුඩා කල සිට විවිධ කම් කටොලු මැද ජීවත්වූ ඇයට මල්ලවපොර ක්‍රීඩා පුහුණු කටයුතු ද සුන්දර වුණේ නැහැ. ලී කුඩු, මෙට්ට මත තම පුහුණුවීම් කටයුතු වල නිරත වූ නෙත්මි ඇතුළු පිරිසට ක්‍රීඩා පුහුණුවීම් වෙනුවෙන් ස්ථිර ස්ථානයක්ද නොමැති විය. කෙසේ නමුත් ඒ කිසිවක් ඔවුන්ගේ සාර්ථකත්වයට බාධාවක් වුණේ නැහැ පළාත් හා ජාතික මට්ටමින් විවිධ ජයග්‍රහණ ලබාගැනීමට නෙත්මිට හැකියාව ලැබුණා, ඒ සියලු ජයග්‍රහණ පසුපස සිටියේ නෙත්මිගෙ පුහුණුකරු සුරංග පුෂ්පකුමාර මහතායි.
නෙත්මිගෙ මේ ජයග්‍රහණත් සමඟ ජාතික ඔලිම්පික් කමිටුවේ අවදානය නෙත්මි සහ ඇගේ පුහුණුකරු සුරංග පුෂ්පකුමාර මහතා වෙත යොමු වුණා එහි ප්‍රතිපලයක් ලෙස Crysbro හා ජාතික ඔලිම්පික් කමිටුව එක්ව දියත් කරන Crysbro Next Champ වැඩසටහනට සුදුසුකම් ලැබීමට නෙත්මිට හැකියාව ලැබුණා. මේ වැඩසටහනට නෙත්මි ඇතුළු යෞවන ක්‍රීඩක ක්‍රීඩිකාවන් විසි දෙදෙනෙකු තෝරාගත් අතර ඔවුන්ගේ පෝෂණ හා මුල්‍ය අවශ්‍යතා වෙනුවෙන් වාර්ෂිකව මිලියන 20ක මුදලක් Crysbro ආයතනයේ අනුග්‍රහයෙන් වෙන් කරනු ලැබුවා. එම මුදල් සෑම මසකම ක්‍රීඩක ක්‍රීඩිකාවන් වෙනුවෙන් ජාතික ඔලිම්පික් කමිටුව හරහා පිරිනමනු ලැබුවේ ඔවුන්ගේ තිබූ බොහෝ ගැටළු වලට අස්වැසිල්ලක් ලබා දෙමින්.
නෙත්මි Crysbro Next Champ වැඩසටහනේ ආරම්භයේ පටන්ම කැපී පෙනෙන දස්කම් දක්වන ක්‍රීඩිකාවක් වුණා, ඇගේ දැඩි කැපවීම හා දක්ෂතාවය මත මීට මාස කිහිපයකට පෙර හංගේරියාවේ පුහුණු සැසියකට සහභාගිවීමේ භාග්‍ය ඇයට හිමි වුණා, ඇය පොදු රාජ්‍ය මණ්ඩලීය ක්‍රීඩා උළෙලට සුදුකම් ලබාගත් පණිවිඩයද ඇයට ලැබෙන්නේ ඒ පුහුවීම් අතරතුරයි. හංගේරියාවේ සිටම පොදු රාජ්‍ය මණ්ඩලීය ක්‍රීඩා උළෙල වෙත ගිය ඇය නැවත අපේ මව්බිමට පැමිණියේ ඉතිහාසගත පදක්කමකින් ඇගේ ගෙල සරාසගෙනයි. නෙත්මි යනු වසර 22ක් තිස්සේ අපි මඟ බලන මීළඟ ඔලිම්පික් පදක්කමේ හීනය යථාර්තයක් බවට පත්කළ හැකි මට්ටමේ ඉතාමත් දක්ෂ, තරු ගුණයෙන් යුත් ක්‍රීඩිකාවක්. Crysbro Next Champ අපේ අරමුණද නෙත්මි එය යථාර්තයක් කරනු දැකීමයි. ඒ වෙනුවෙන් නෙත්මි ඇගේ උපරිම කැපවීම කරන බව අපි දන්නවා ඒ වගේම ඒ කැපවීමට හයියක් වෙන්න Crysbro Next Champ අපිත් අයත් සමඟම සිටිනවා. නෙත්මි ඔබට ජය !
තරින්ද මන්දාර, මේ පුංචි සටන්කාමී ක්‍රීඩකයා රත්නපුර පැල්වාඩිය ප්‍රදේශයෙන් මව්බිමට දායාද වූ අගනා මිණි කැටයකි. තවමත් ලාබාල ක්‍රීඩකයෙකු වුවත් ඔහු ජාතික මට්ටමේ ක්‍රීඩකයන් සමඟ උරෙනුර ගැටෙමින් තම පුහුණුවීම් කටයුතු සිදු කරනු ලබයි. 2019 වසරේ පාසල් ටයිකොන්ඩෝ ශුරතාවලියේ හොඳම ක්‍රීඩකයා සම්මානය දිනාගත් තරින්ද එම වසරේදීම ‘Team sparring Korean Ambassador’s cup’ ශුරතාවයද දිනාගනු ලැබීය එමෙන්ම 2018 වසරේ තායිලන්තයේ පැවති 8වන Tirak International Taekwondo ශූරතාවයට සහ කොරියාවේ පැවති ලෝක ටයිකොන්ඩෝ යොවුන් කඳවුරටද සහභාගී වූ තරින්ද ඉන් ජාත්‍යන්තර අත්දැකීම් රැසක් තම ක්‍රීඩා දිවියට ලබාගන්නා ලදී. ක්‍රීඩා පුහුණුකරුවෙකු ලෙස තම අත්දැකීම් තරුණ ක්‍රීඩක ක්‍රීඩිකාවන් සමඟ බෙදාගනිමින් තම වෘත්තීය අරම්භකිරීමට අදිටනින් පසුවන තරින්දගේ ජීවිතයේ ලොකුම බලාපොරොත්තුව මාතෘභූමිය ඔලිම්පික් රන් පදක්කමකින් වර්ණවත් කිරීමයි, ඒ සඳහා ඔහු තම උපරිම කැපවීමෙන් පුහුණුවීම් කටයුතුවල නිරතවන අතර Crysbro සහ ජාතික ඔලිම්පික් කමිටුව ඔහුට ශක්තියක් වීමට නිරතුරුව ඔහු හා සමඟ සිටින බව සතුටින් දැනුම් දෙමු.
එමෙන්ම තරින්ද යනු Crysbro සහ ජාතික ඔලිම්පික් කමිටුව එක්ව දියත් කරන Next Olympic Hope වැඩසටහනට සුදුසුකම් ලැබූ තවත් එක් ඔලිම්පික් බලාපොරොත්තුවකි. ඔහේගේ ඉදිරි ක්‍රීඩා ජයග්‍රහණයන් වෙනුවෙන් සුවහසක් ක්‍රීඩා ලෝලීන් වෙනුවෙන් අපේ සුබ පැතුම් මෙලෙස එක් කරන්නෙමු.
profile : https://www.nextolympichope.com/athlete/tharinda-premakumara